குடல் இறக்கம் ( ஹெர்னியா) எதனால்? ஏன்? யாருக்கு? 

காய்ச்சல் போன்று நோய்களும் சர்வசாதாரணமாக அதிகரித்து வருவதும் அதனால் அறுவை சிகிச்சை நடைபெறுவதும் தற்போது அதிகமாகிவிட்டது. அதில் ஒன்று ஹெர்னியா.

 நமது உடலின் ஒரு பகுதி அல்லது உறுப்பானது பலவீனமான இடத்தின் வழியாக வெளியே தள்ளப்படும் அசாதாரண நிலைக்கு ஹெர்னியா என்று பெயர். இது நமது உடலில் அடிவயிற்றில் இருக்கும் குடலிறக்கம், பிளவுபட்டு அல்லது கீழ் இறங்குதல், தொப்புள் பகுதி, மேல் வயிறு, உதரவிதானம் போன்றவை குடலிறக்கம் என்று பொதுவாக அழைக்கப்படுகிறது. அவ்வாறு வெளியே வந்த உறுப்பை உறுப்பின் திசுக்களை இயல்பான இடத்தில் மீண்டும் வைத்து அவை வெளியே வராமல் பாதுகாப்பாக வைக்கும் அறுவை சிகிச்சை ஹெர்னியா என்று அழைக்கப்படுகிறது. இவை எதனால் ஏறபடுகிறது, இதற்கான அறிகுறிகள், சிகிச்சை முறைகள் குறித்து தெரிந்துகொ

ள்வோம்.அடி வயிற்று உறுப்பில் உண்டாகும் புடைப்பு அல்லது கொழுப்பு தசை அமைப்பில் பலவீனமான பகுதி வழியாக புடைப்பது குடல் வழியே வெளியே வரும் சூழலே குடலிறக்கம் அல்லது ஹெர்னியா என்று அழைக்கப்படுகிறது.குடலின் ஒரு பகுதியோ வயிற்றின் உள்ளுறுப்புகளை சுற்றி இருக்கும் பெரிட்டோனியம் சவ்வு வயிற்று சுவரின் பலவீனமான ஒரு பகுதியில் வெளியே பிதுங்கி கொண்டிருக்கும்.

ஹெர்னியாவில் பல வகை உண்டு என்றாலும் பெண்களுக்கு தொப்புளில் பலகீனம் உண்டாவது அம்ப்ளிக்கல் ஹெர்னியா என்றும், விரைப்பைக்கு ரத்த குழாய் செல்லும் பாதையில் பலவீனம் உண்டாகி அதன் வழியாக குடல் வெளியேறுவது இங்யூனல் ஹெர்னியா என்றும். வயிற்றுபகுதியில் அறுவை சிகிச்சை செய்து கொண்டவர்களுக்கு தையல் போட்ட இடத்தில் பலவீனம் உண்டாவதால் இன்சிஷனல் ஹெர்னியா என்றும் அழைக்கப்படுகிறது.

 ஆண்கள், பெண்கள் போன்று குழந்தைகளுக்கும் கூட ஹெர்னியா வரலாம். இது அம்பிலிக்கல் ஹெர்னியா என்று அழைக்கப்படுகிறது.

அதிக எடை கொண்டிருப்பவர்களுக்கு குடலிறக்கம் வருவதற்கான வாய்ப்பு உண்டு. பிறவியில் கூட இந்த பிரச்சனை வருவதற்கு வாய்ப்புக்கு உண்டு. வெளிப்படையான காரணங்கள் எதுவும் இல்லை எனினும் இது பாதிக்கப்படுபவர்களின் வயதுக்கேற்ப தீவிரமாகிறது. வயிற்றை அழுத்தும் செயலில் ஈடும்படும்போதும், வயிற்றில் உண்டாகும் அறுவை சிகிச்சை தையல் போன்ற பிரச்சனைகளும் கூட குடலிறக்கத்துக்கு காரணமாகிறது.

நீண்ட நாள் மலச்சிக்கல் பிரச்சனை கொண்டிருப்பவர்கள் வயிற்றை அழுத்தி அதிகம் முக்கி மலம் கழிப்பதன் மூலம் வரலாம்.அதிக கனமான எடை கொண்ட பொருள்களை தூக்குவதாலும், ஒயாமல் கடுமையான உடல் உழைப்பை கொண்டவர்களுக்கும், அதிகம் புகைப்பிடிப்பதாலும் வரலாம்.இவை தவிர தொடர் இருமல், ஊட்டச்சத்து குறைவு குடல் செயல்பாடு, வயிறு தசை வழுவிழத்தல் போன்றவற்றாலும் ஹெர்னியா உண்டாகலாம்.

குழந்தைகளுக்கு உண்டாகும் தொப்புள் சார்ந்த ஹெர்னியாவில் குழந்தை அழும் போது தொப்புள் பகுதியில் ஒரு வீக்கம் ஏற்படும். பெரியவர்களாஅக இருந்தால் தொப்புள் பகுதியில் வீக்கமும் இருமலும் சளி ஒழுகலும் உண்டாகும். வயிற்றை இழுத்துபிடிப்பது போன்ற உணர்வு உண்டாகும். அறுவை சிகிச்சை செய்துகொண்டவர்களாக இருந்தால் தையல் போட்ட இடத்தில் அறுவை சிகிச்சைக்கு பிறகு குறுகிய காலத்தில் திரவம் வெளியேறுவதன் மூலம் குடலிறக்கத்தின் அறிகுறியாக இருக்கலாம். இது வெகு குறைவானர்களுக்கு ஏற்படுகிறது.

சிலருக்கு வலி இல்லாமல் கட்டியாக தோன்றும். பிறகு அடிவயிறு, இடுப்பு போன்ற பகுதியில் கடுமையான வலி இருக்கும். அடிவயிறு இடுப்பு பகுதியில் வலி , மேல்புற வைய்ற்றில் வலி,உண்டாவதும் இதன் அறிகுறிகளில் ஒன்று.இருமும் போதும், மலம் கழிக்க முக்கும் போதும் தசைபகுதியில் சிறிய வீக்கம் உண்டாகும். பெரும்பாலும் இதன் அறிகுறிகள் வலியற்ற வீக்கத்தோடு தான் இருக்கிறது.

சிலருக்கு நிற்கும் போதும், அதிக எடை கொண்ட பொருளை தூக்கும் போதும் மோசமாகிவிடும். வயிற்றில் இருக்கும் அமிலம் உணவுக்குழாயில் சேர்வதால் நெஞ்செரிச்சல் உண்டாவது தொடர்ந்தாலும் அவையும் இதன் அறிகுறிகள்.

​சிகிச்சை

குடலிறக்கம் உறுதியானால் அவை 2 ஆண்டுகளுக்கும் 40 % குடலை பாதிக்கிறது. ஹெர்னியாவுக்கு சிகிச்சை என்றால் அது அறுவை சிகிச்சை மட்டும் தான். அறுவை சிகிச்சையின் மூலம் புடைத்து வெளியே வரும் பகுதியை உள்ளே தள்ளுவது அல்லது அதை மொத்தமாக நீக்கிவிட்டு தையல் மூலம் மூடுவது.

இந்த அறுவை சிகிச்சையும் இரண்டு விதங்களில் உண்டாகிறது. ஒன்று திறந்த வெளி மற்றொன்று துளைகள் வழியாக அறுவை சிகிச்சை செய்வது. முதல் வகையான அறுவை சிகிச்சை முன்பு நோயாளிகளுக்கு அசெளகரியத்தை உண்டாக்கினாலும் தற்போதுள்ள நவீன மருத்துவத்தில் இவை அந்த வலியிஅ உண்டாக்குவதில்லை. இதில் இரண்டாவது வகையான லேப்ராஸ்கோப்பி முறை எளிதானது, வலியும் தழும்பும் குறைவாக இருக்கும். மேலும் இந்த முறையில் தொற்று உண்டாகும் வாய்ப்பு குறைவு. வேகமாக குணமடைந்து இயல்பு நிலைக்கும் திரும்பமுடியும்.