விசிக வேட்பாளர்களின் உத்தேச பட்டியல் இதோ!

திமுக கூட்டணியில் இடம் பெற்றுள்ள விடுதலை சிறுத்தைகள் கட்சிக்கு எத்தனை தொகுதிகள் ஒதுக்கப்படும், அக்கட்சி எத்தனை தொகுதிகளை எதிர்பார்க்கிறது, யார் யார் வேட்பாளர்கள் ரேஸில் உள்ளனர் என்பது குறித்து விசாரித்தோம்.

இந்த தேர்தலில் கூட்டணிக் கட்சிகளுக்கு குறைவான இடங்களையே வழங்க வேண்டும், அதிக இடங்களில் உதய சூரியன் சின்னம் தான் களமிறக்கப்பட வேண்டும் என ஐபேக் டீம் சார்பில் ஏற்கெனவே ஸ்டாலினிடம் கூறப்பட்டது. அதன்படிதான் திமுக தலைமையும் செயல்பட்டு வருகிறது.
அந்த வகையில் மக்களவைத் தேர்தலில் வழங்கப்பட்டதைப் போல மூன்று பங்கு இடங்களை ஒவ்வொரு கட்சிக்கும் வழங்கலாம் என்ற பேச்சு நிலவியது. அதாவது 2 தொகுதிகளில் போட்டியிட்ட விசிகவுக்கு 6 இடங்கள் ஒதுக்கலாம் என்பதே அந்த கணக்கு. அதிலும் ஒன்றிரண்டு இடங்களை குறைக்க வாய்ப்புள்ளதாக கூறப்பட்டது. விசிக, மதிமுக உள்ளிட்ட பிற கட்சிகளை உதய சூரியன் சின்னத்தில் களமிறக்க திமுக திட்டமிட்டது. ஆனால் இந்த கோரிக்கைக்கு திருமாவளவனும், வைகோவும் சம்மதம் தெரிவிக்கவில்லை.
தனிச் சின்னத்தில் நின்றால் தொகுதிகளின் எண்ணிக்கை குறையும் என திமுக தலைமை கறார் காட்டி வருகிறது. இந்நிலையில் விசிகவில் எந்தெந்த தொகுதிகளை கேட்டுப்பெற உள்ளனர், யார் யார் வேட்பாளர்களாக நிறுத்தப்பட வாய்ப்புள்ளது என்பது குறித்த உத்தேச பட்டியல் விவரங்கள் வெளியாகியுள்ளது.

காட்டுமன்னார் கோவில் - சிந்தனைச் செல்வன், செல்லப்பன், தாமரைச் செல்வன்

செய்யூர் - எழில் கரோலின், விடுதலைச் செழியன், ஆதவன்

ஸ்ரீபெரும்புதூர் - வன்னியரசு, காஞ்சி பார்வேந்தன், மேனகா கோமகன்

சோழிங்கநல்லூர் (பொதுத் தொகுதி) - எஸ்.எஸ்.பாலாஜி, பன்னீர் செல்வம்

பூந்தமல்லி - நீலவண்ணத்து நிலவன், கதிர் நிலவன், கோவிந்தராஜ்

அரக்கோணம் - இளம் சேகுவரா, நற்குமரன், கவுதமன்,

அரூர் - கோவிந்தராஜ், நந்தன்

ஊத்தங்கரை - கனியமுதன்
வானூர் - வேட்பாளர் இன்னும் முடிவு செய்யப்படவில்லை

திண்டிவனம் - சேரன், வக்கீல் பாலகிருஷ்ணன்,

சீர்காழி - புஞ்சை அரசன், விவேகானந்தன்

உளுந்தூர் பேட்டை - யூசுப்

பொன்னேரி - பாலசிங்கம், நெடுஞ்செழியன், கோபி நயினார்

இந்த 13 தொகுதிகளை திமுகவிடமிருந்து கேட்டுப் பெற விசிக தயாராகியுள்ளது. இதில் 8 இடங்கள் கண்டிப்பாக கிடைக்கும் என்ற நம்பிக்கையில் விசிக உள்ளது. திமுக இதற்கு என்ன பதில் சொல்லப்போகிறது என்பதை பொறுத்திருந்துதான் பார்க்க வேண்டும்.