''ஒரே தேசம் ஒரே கொடி'' உறுதி செய்தவர் பிரதமர் மோடி ; மக்களவையில் அமித்ஷா பெருமிதம்....!
ஜம்மு-காஷ்மீரின் சிறப்பு அந்தஸ்த்தை ரத்து செய்து, நாட்டில் ஒரே கொடி ஒரே அரசமைப்பை பிரதமா் நரேந்திர மோடி உறுதிப்படுத்தினாா் என மக்களவையில் மத்திய உள்துறை அமைச்சா் அமித் ஷா செவ்வாய்க்கிழமை தெரிவித்தாா்.
ஜம்மு காஷ்மீா் மாநிலத்துக்கு அளிக்கப்பட்டு வந்த சிறப்பு அந்தஸ்து 2019-இல் ரத்து செய்யப்பட்டதைக் குறிப்பிட்டு அவா் இவ்வாறு தெரிவித்தாா்.
நாடாளுமன்ற குளிா்கால கூட்டத் தொடரில் ஜம்மு-காஷ்மீா் இட ஒதுக்கீடு சட்டத்திருத்த மசோதா மற்றும் ஜம்மு-காஷ்மீா் மறுசீரமைப்பு சட்டத்திருத்த மசோதாக்கள் மீதான விவாதம் மக்களவையில் செவ்வாய்க்கிழமை நடைபெற்றது.
அப்போது பேசிய திரிணமூல் காங்கிரஸ் எம்.பி. சௌகதா ராய், 'ஒரே கொடி; ஒரே பிரதமா்; ஒரே அரசமைப்பு' என்பது ஷயாமா பிரசாத் முகா்ஜியின் அரசியல் முழக்கம்' என்றாா்.
இந்தப் பேச்சுக்கு மத்திய வா்த்தக அமைச்சா் பியூஷ் கோயல் அளித்த பதிலில், 'கடந்த 1950-ஆம் ஆண்டு முதல் பாஜக வலியுறுத்தி வந்த 'ஒரே கொடி; ஒரே பிரதமா்; ஒரே அரசமைப்பு' கொள்கையைதான் ஜம்மு-காஷ்மீரில் செயல்படுத்தி இருக்கிறோம்' என்றாா்.
இதைத் தொடா்ந்து அமைச்சா் அமித் ஷா பேசுகையில், 'ஒரே கொடி; ஒரே பிரதமா்; ஒரே அரசமைப்பு என்பது அரசியல் முழக்கமல்ல. இந்தக் கொள்கையை உறுதியாக நம்பிய பாஜக, ஜம்மு-காஷ்மீரில் வெற்றிகரமாக செயல்படுத்தியது. ஒரு நாட்டுக்கு எவ்வாறு 2 கொடிகள், 2 பிரதமா்கள், 2 அரசமைப்பு இருக்க முடியும்? எம்.பி. சௌகதா ராய் அவா்களின் கருத்து. ஆட்சேபத்துக்குரியது.
ஜம்மு-காஷ்மீருக்கு சிறப்பு அந்தஸ்து வழங்கியது யாா் செய்திருந்தாலும் முற்றிலும் தவறானது. அந்தத் தவறை பிரதமா் நரேந்திர மோடி திருத்திவிட்டாா். ஜம்மு-காஷ்மீரின் சிறப்பு அந்தஸ்து ரத்து செய்யப்பட வேண்டும் என முழு நாடே எதிா்பாா்த்தது. இதில் உங்களின் ஒப்புதல் மற்றும் மாற்றுக் கருத்துக்கு மதிப்பில்லை' என்றாா்.
காஷ்மீரின் சிறப்பு அந்தஸ்து ரத்து செய்வதற்கு முன்பு அங்கு இந்திய தேசிய கொடியை விட பாகிஸ்தான் தேசிய கொடிக்குத்தான் அதிகமான முக்கியத்துவம் வழங்கப்பட்டு வந்தது. அதேபோன்று பாகிஸ்தானியர்களுக்கு தான் அதிக உரிமைகளும் சலுகைகளும் வழங்கப்பட்டு வந்தது. தற்போது அந்த சிறப்பு அந்தஸ்து நீக்கப்பட்டதன் மூலம் இந்திய அரசியலமைப்பு சட்டம் மற்ற மாநிலங்களைப் போல் அங்கு முழுமையாக செயல்படுத்தப்பட்டு வருகிறது.
இதனால் பாகிஸ்தானின் தீவிரவாதம் முற்றிலுமாக அழிக்கப்பட்டு வருகின்றது. இது நமது நாட்டிற்கு பெருமை தானே...!
