கற்றல் பணிகளை தாண்டி பல்வேறு பணிகளில் ஈடுபடுத்த படுவதால் கல்விப் பணி மேற்கொள்ள இயலுமா ஆசிரியர்கள் கேள்வி....??
கற்றல் பணிகளை தாண்டி அரசுப் பள்ளி ஆசிரியர்கள் பல்வேறு நிர்வாக பணிகளில் ஈடுபடுத்த படுவதால் மாணவர்களின் கற்றல் பணிகள் பாதிக்கப்படுவதாக குற்றச்சாட்டு எழுந்துள்ளது. அண்மைகாலமாக பள்ளிக்கல்வித்துறை பல்வேறு புள்ளி விவரங்களை சேகரித்து EMIS எனப்படும் பள்ளிக் கல்வித் தகவல் மேலாண்மை இணையப்பக்கத்தில் பதிவேற்ற உத்தரவிடுகின்றது.
இவ்வாறு பல்வேறு விபரங்களையும் தகவல்களையும் சேகரிக்க சொல்லி பள்ளிக்கல்வித்துறை அண்மைக் காலங்களில் அதிகமாக உத்தரவு பிறப்பிப்பதாக ஆசிரியர்கள் தெரிவிக்கின்றனர். ஏற்கனவே அரசுப் பள்ளிகளில் ஆசிரியர் பற்றாக்குறை இருக்கும் நிலையில் இதுபோன்ற நிர்வாகப் பணிகளில் தொடர்சியாக ஈடுபடுவதால் வகுப்பறைகளுக்கு செல்ல முடியாத சூழல் ஏற்படுவதாகவும் ஆசிரியர்கள் தெரிவிக்கின்றனர்.
இந்த நிலையில் தற்போது பள்ளிக்கல்வித்துறை பிறப்பித்துள்ள உத்தரவு ஒன்று ஆசிரியர்களை கடும் அதிருப்திக்குள்ளாக்கியுள்ளது. மாணவர்களின் உடல் நலன் மற்றும் இடைநிற்றல் ஏற்படுவதற்கான காரணங்களை அறியும் பொருட்டு பல்வேறு தகவல்களை திரட்ட பள்ளிக்கல்வித் துறை உத்தரவிட்டுள்ளது.
மாணவர்கள் உடல் நலன் சார்ந்த அந்தரங்க கேள்விகளையும் கேட்டு பதிவேற்றம் செய்ய வேண்டும் என பள்ளிக்கல்வித்துறை உத்தர விட்டுள்ளதை ஏற்க முடியாது என்கின்றனர் ஆசிரியர்கள்.
அந்த வகையில் ஆசிரியர்கள் நிர்வாகம் சார்ந்து மேற்கொள்ளும் பணிகள் கீழ்கண்டவாறு உள்ளது
1.ஆசிரியர் வருகை Online
2. மாணவர் வருகை Online
online
16.பணி மாறுதல் கலந்தாய்வு online
17.மாணவர் சேர்க்கை பதிவு Online
20.இல்லம்.தேடி கல்வி திட்டம் சார்ந்த பணி
இவ்வாறு பல பணிகளையும் செய்து விட்டு இதற்கு இடையே மாணவர்களுக்கு கல்விப் பணி மேற்கொள்ள இயலுமா என ஆசிரியர்கள் கேள்வியெழுப்புகின்றனர்.
